best newspaper articles of 25 august 2022

There are best newspaper articles of 25 august 2022 of chhattisgarhi language-

अमित शाह-छत्तीसगढ़

केंद्रीय गृह मंत्री अमित शाह सत्ताईस अगस्त के छत्तीसगढ़ प्रवास म रायपुर आवत हे। श्री शाह मंझनिया करीब दू बजे रायपुर पहुंचही। एखर बाद ओमन ढाई ले साढ़े तीन बजे तक नवा रायपुर स्थित एनआईए के मुख्यालय भवन के उद्घाटन कार्यक्रम म सामिल होही।

   केंद्रीय गृह मंत्र चार बजे पंडित दीनदयाल आडिटोरियम पहुंचही। जिहा ओमन प्रधानमंत्री नरेंद्र मोदी उपर केंद्रित – मोदी एट द रेट ट्वेंटी – किताब ल लेके चर्चा करही। श्री शाह संझा साढ़े पांच बजे भाजपा प्रदेश कार्यालय जाही। एखर बाद ओमन करीब साढ़े सात बजे दिल्ली बर रवाना हो जाही।

आप पढ़ रहे है -best newspaper articles of 25 august 2022

मुख्यमंत्री निर्देश

मुख्यमंत्री भूपेश बघेल ह अनुसूचित जाति अउ अनुसूचित जनजाति अधिनियम के तहत दर्ज प्रकरण मनके जल्दी निराकरण करे के निर्देश देहे। मुख्यमंत्री के अध्यक्षता म आज रायपुर म अनुसूचित जाति जनजाति अधिनियम के राज्य स्तरीय सतर्कता अउ माॅनिटरिंग समिति के समीक्षा बइठका होइस।

   बइठका म मुख्यमंत्री ह कीहिन कि पुलिस अन्वेषण स्तर म स्थायी जाति प्रमाण पत्र बनवाय म यदि देर होवत हे त संबंधित ग्रामसभा ले जानकारी ले जाय कि पीड़ित व्यक्ति अनुसूचित जाति या जनजाति वर्ग के हवय कि नही। बइठका म सहकारी बैंक के समिति के रिक्त पद उपर जल्दी भर्ती करे के चर्चा घलो होइस।

नया जिला शुभारंभ

प्रदेश म एक ले पांच सितंबर तक पांच ठिन नवा जिला के उद्घाटन करे जाही। कृषि मंत्री रविंद्र चौबे  ह आज पत्रकार मनले चर्चा करत बताइन कि एक सितंबर के मोहला-मानपुर अउ तीन सितंबर के खैरागढ़ जिला के उद्घाटन मुख्यमंत्री भूपेश बघेल करही।

   ओमन कहिन कि नवा जिला के उद्घाटन के संघरा ए जिला मन म काम शुरू हो जाही । कृषि मंत्री ह यहू बताइन कि बाकी तीन नवा जिला सारंगढ़-बिलाइगढ़, सक्ती अउ मनेन्द्रगढ़-चिरमिरी-भरतपुर के उद्घाटन के तारीख अभी तय नइ होय हे।

राज्यपाल-राष्ट्रीय शिक्षा नीति

राज्यपाल अनुसुइया उइके ह उच्च शिक्षा मंत्री उमेश पटेल ले कहिन हे कि विद्यार्थी मनके हित ल धियान म राखत प्रदेश म राष्ट्रीय शिक्षा नीति ल जल्दी लागू करे के दिशा म प्रयास करे जाय। ओमन प्रदेश के जम्मों महाविद्यालय मन म नैक के ग्रेडिंग ल अउ बने करे के घलो बात कीहिन ।

  ओमन काली राजभवन म राखे गे जम्मों शासकीय विश्वविद्यालय मनके समीक्षा बइठका म विश्वविद्यालय मन म रिक्त शैक्षणिक अउ गैर शैक्षणिक पद मन म भर्ती करे बर कीहिन।

आप पढ़ रहे है -best newspaper articles of 25 august 2022

   बइठका म राज्यपाल ह कीहिन कि यदि कोनो विश्वविद्यालय म कोनो नवाचार हो या विद्यार्थी मन कोनो बने काम करीन हो त दूसर विश्वविद्यालय मन ल एखर जानकारी मिलना चाही अउ जम्मों कुलपति मन ए विश्वविद्यालय के भ्रमण करय ताकि अइसन पहल दूसर जगा भी शुरू करे जा सकय।

  राज्यपाल ह अवइया दीक्षांत समारोह मन म दूसर प्रदेश के राज्यपाल मन ल आमंत्रित करे के बात कीहिन। ओमन कीहिन कि ये पहल ले दूसर प्रदेश मनके राज्यपाल ल राज्य म उच्च शिक्षा के स्थिति अउ नवाचार के बारे म जानकारी मिलही। बइठका म ओमन कीहिन कि प्रदेश म उच्च शिक्षा के क्षेत्र म अच्छा काम करइया कुलपति ल चांसलर अवार्ड दे जाही।

कर्मचारी हड़ताल-अरूण साव

केंद्र सरकार के समान महंगाई अउ आवास भत्ता देके मांग ल लेके राज्य के अधिकारी-कर्मचारी मन डहार ले करे जाये अनिश्चितकालीन हड़ताल म आज भारतीय जनता पार्टी के प्रदेश अध्यक्ष अरूण साव शामिल होइन।

   श्री साव राजधानी रायपुर के बुढ़ातालाब स्थित धरना स्थल पहुंचीन । ए दउरान ओमन कीहिन कि जन घोषणा पत्र ल मजाक बना देने वाला कांग्रेस के खिलाफ प्रदेश के हरएक वर्ग आक्रोषित हरय। ओमन कीहिन कि कांग्रेस सरकार प्रदेश के बेरोजगार मन ल नवा नौकरी देना त दूर भाजपा सरकार म स्वीकृत चैदा हजार ले जादा शिक्षक भर्ती ल घलो बहाल नइ होय देत हे।

  श्री साव ह कीहिन कि काली के आंदोलन प्रदेश के जनता के आंदोलन रीहिस। ओमन कीहिन कि आंदोलन के इतिहास म ये पहिली मउका हे जब अपनेच लोगन मन ल रोके बर कोनो सरकार ह कंटेनर के प्रयोग करीस। ओमन कीहिन कि अइसे अभेद्य व्यवस्था अगर प्रदेश के तेजी ले बिगड़त कानून व्यवस्था ल दुरूस्त करे म करतीस त प्रदेश के हालत अइसे नइ होतीस।

   दूसर कोति प्रदेश कांग्रेस संचार विभाग के अध्यक्ष सुशील आनंद शुक्ला ह कीहिन कि भाजपा के प्रदेश अध्यक्ष अउ दूसर नेता झूठ बोलके भरम फैलावत हे। श्री शुक्ला ह कीहिन कि कांग्रेस ह अपन जन घोषणा पत्र म सिरिफ किसान मनके कर्ज माफी के बात कहे रीहिस ना कि बेरोजगारी भत्ता देके।

भाजपा कार्यकर्ता-एफआईआर

भारतीय जनता युवा मोर्चा डहार ले काली मुख्यमंत्री निवास घेराव आंदोलन म सामिल उन्नीस कार्यकर्ता मनके खिलाफ पुलिस ह चार एफआईआर दर्ज करे हे। राजधानी के ओसीएम चैक, पंचशील नगर अउ शहीद भगतसिंह चैक म प्रदर्शन के दउरान अपशब्द के प्रयोग करत पुलिस ले अभद्रता अउ धक्का-मुक्की करे के मामला म ए मनके खिलाफ अपराध दर्ज करे गेहे।

डायरिया मौत

रायगढ़ जिला म पड़िगांव के जनपद पंचायत के सभापति कैलाश पाइक के डायरिया ले मउत होगे। ए गांव म अब तक दू मनखे मनके डायरिया ले मउत हो चुके हे। मिले जानकारी अनुसार पाछू दिन म महानदी म आये बाढ़ के बाद जिला के पुसौर ब्लाॅक के पड़िगाव म गंदा पानी के सेती कुछ लोगन मन म डायरिया के संक्रमण देखे गीस।

  सूचना मिले के बाद स्वास्थ्य विभाग डहार ले पीड़ित मनखे मन ल इलाज बर अस्पताल म भर्ती कराय गीस। इही दउरान आज जनपद पंचायत के सभापति के मउत होगे। उंहें दू दिन पहिली एक झिन दूसर ग्रामीण के घलो डायरिया ले मउत होगे रीहिस। स्वास्थ्य विभाग कोति ले पड़िगांव म शिविर लगाके संक्रमित लोगन मनके इलाज करे जात हे।

---

Also Read :-    छत्तीसगढ़ प्रादेशिक समाचार हिंदी में – 24 अगस्त 2022

---

मौसम

प्रदेस म अवइया चैबीस घंटा के दउरान कतकोन जगा म हल्का ले मध्यम बरसा होय या गरज चमक के संग छीटा पड़े के संभावना हरय। मौसम विभाग के अनुसार एक द्रोणिका दक्षिण पूर्व डहार बंगाल के खाड़ी तक बने हे।

  एखरे संग दक्षिण झारखंड के उपर एक उपरी हवा के चक्रीय चक्रवाती घेरा बने हुए हे। एखर असर ले प्रदेश म काली एक-दू जगा म गरज चमक के संग करा अउ भारी बरसा होय के संभावना हे ।

संक्षिप्त समाचार

• – रायपुर रेलमंडल के भिलाई अउ भिलाई पावर हाउस स्टेशन के बीच मरम्मत काम के सेती खुर्सीपार रेलवे क्राॅसिंग काली छब्बीस ले उनतीस अगस्त तक बंद रीही।
• – भिलाई नगर निगम आयुक्त लोकेश चंद्राकर ह शासकीय भवन मनके दीवार उपर पोस्टर अउ पाॅम्पलेट चिपकाने वाला मनके खिलाफ कारवाई करे के निर्देश दीन हे।
• – जांजगीर- चांपा जिला के बलौदा के निजी काॅलेज म पुलिस ह करीबन डेढ़ सौ छात्रा मन ल अभिव्यक्ति एप डाउनलोड कराके महिला संबंधी अपराध, साइबर क्राईम अउ आनलाईन ठगी जइसे मामला के जानकारी दीन।
• – उंहें मुंगेली जिला म घलो पुलिस बल डहार ले अभिव्यक्ति एप के प्रचार प्रसार करके महिला अउ बालिका मन ल जानकारी दे जात हे।
• – रायपुर जिला म धरसींवा करा तेज रफ्तार ट्रक के चपेट म आय ले मोटर सायकिल सवार पिता-पुत्री के मउत होगे।
• – राजनांदगाव के पार्री नाला के तीर एक ट्रेलर सड़क किनारे खड़े ट्रक ले टकरा गीस। ए हादसा म ट्रेलर चालक के मउत होगे ।
• – बालोद जिला के डौंडी-भानुप्रतापुर मुख्य मार्ग म ट्रक अउ यात्री बस के बीच टकराय ले बीस ले जादा यात्री मन घायल होगे हे, जेमा तीन झन के स्थिति गंभीर बताय जात हे।
• – राजनांदगाव पुलिसह ब्राउन शुगर के तस्करी करइया गिरोह के तीन सदस्य मन ल गिरप्तार करे हे। एखर तीर ले सैंतालिस ग्राम ब्राउन शुगर बरामद करे गेहे,जेखर कीमत करीबन ग्यारा लाख रूपिया बताये जात हे।
• – धमतरी जिला म पुलिस ह गांजा तस्करी करे के मामला म दू मनखे ल गिरप्तार करके ओखर करा ले तैंतीस किलो गांजा जब्त करे हे। जब्त गांजा के कीमत करीबन सात लाख रूपिया बताय गेहे।

 

best newspaper articles of 25 august 2022 को पढने के लिए धन्यवाद् ।